بالصور هذا ما حدث لمايكل قتيل الكاتدرائية

#بشمهندس_مايكل توفي في #كاتدرائية_ميلاد_المسيح  





كتب عنه زميله في المشروع :
أبو دقن اللي فالصوره ده مهندس كهربا معايا فالموقع واحد من أكتر الناس خلقا علي الأرض

الموقع في مرحله أنه لازم يخلص بأي شكل. فايعملوا ايه بقا يفكوا أكتر من 10000 شباك سقاله و ينزلوا أكتر من 10000 لوح خشب في أقل من أسبوع و كل ده بالنهار في وجود أكتر من 500 شخص فالموقع شغالين لا و ايه فك و ارمي

وقع عليه انهارده ماسوره حديد 3 متر من ارتفاع 30 متر أودت بحياته
و مع العلم إن كل الناس اشتكت من كذا واقعه حصلت بسبب رمي السقالات اللي كان هيموتهم لكن ودن من طين وودن من عجين

المصيبه بقا المحضر اتكتب انه مكنش لابس خوذه وان الزون اللي كان ماشي فيها كان ممنوع المشي فيها 

_و كل ده كدب و الزونه مفتوحه و عمرها ما اتقفلت
_الموقع أصلا مفيهوش خوذ أو سفاتي 
_طلبنا خوذ و سفاتي و مجتش 
_الخوذه اللي هو لابسها فالصوره دي مش بتاعته دي بتاعت مهندس تاني بس أنا اللي ادتهاله عشان يقابل بيها الريس 
_جت خوذ انهارده و لما رحنا ناخد منها قالولنا دي مش جيالكوا و راحوا ادوها لظباط الجيش فالموقع 

_مدير الموقع اللي أخد 3 خوذ من أوضه المهندسين يوم الجمعه عشان يوفرها لزياره الرئيس عشان مفيش خوذ فالموقع سألته ساعتها ازاي مفيش خوذ فالموقع و خد الموضوع هزار و ضحك هو نفسه اللي مستغرب هو ليه مكنش لابس خوذه قال يعني كانت هتحميه من الماسوره اللي وقعت واحده زيها امبارح علي رخام فلقته 

و التفاصيل كتير و الكلام يقرف

كان نفسي أودعه في نهايه المشروع 

ربنا يصبر أهله

مش عارف أقول حقك هايجي عالأرض ولا ﻷ لأن الأرض دي أرض الظلم بس الديان العادل مابينامشي و هو شايف 

#ضحية_الإهمال
#إداره_فاشلة
#شركة_أيوبكو

بالصور هذا ما حدث لمايكل قتيل الكاتدرائية
بالصور هذا ما حدث لمايكل قتيل الكاتدرائية
بالصور هذا ما حدث لمايكل قتيل الكاتدرائية