هل لقاح الأنفلونزا يحمى من كورونا وهل يسبب حساسية شديدة أو الوفاة ؟ د.محمد علام يجيب
صوره ارشيفيه




** تطعيم الانفلونزا بيحمى من الكورونا ؟؟





خطأ وكلام غير صحيح نهائيا فقط بيدى درجه من الحمايه من الانفلونزا ومهم دلوقت علشان لو لا قدر الله الشخص اصاب بالانفلونزا مع الكوفيد الحاله بتكون اسوء

مواضيع من نفس القسم


** خدت تطعيم الانفلونزا وجالى دور برد ؟؟
مفيش رابط بين الاثنين ممكن تجيلك اعراض ارتفاع درجه الحراره او اعراض جهاز تنفسي لاسباب تانيه وهى :
-تطعيم الانفلونزا لانواع معينه من الفيروسات اللى بتصيب الجهاز التنفسي وبتسبب الانفلونزا الموسميه فقط لكن فى اكثر من ٢٠٠ نوع من فيروسات الحهاز التنفسى بتسبب اعراض مشابهه لكن فى الغالب اضعف فعادى جدا تاخد لقاح الانفلونزا ويجيلك برد

-كمان اللقاح مبيديش درجه امان ١٠٠٪ فى اغلب الدراسات النسبه من ٥٠ ل ٦٠٪ بسبب التحورات المستمرة فى فيروسات الانفلونزا

-فى احتمال يكون حصل تحور جديد خلى التطعيم مش فعال اوى لكن على الرغم من ده بيكون الشخص اللى اخد اللقاح تعامل جسمه افضل من غيره

-واخيرا ممكن يكون حصل حساسيه بسيطه من اللقاح نفسه ودى بتكون فقط ارتفاع طفيف فى درجه الحراره والم بالجسم وبتتحسن لوحدها او بمسكن 

** لقاح الانفلونزا بيسبب حساسيه شديده ووفاه ؟؟
معلومه خاطئه لقاح الانفلونزا أمن جدا ومفيش خطوره منه حسب الدراسات فقط حاله لكل مليون حاله اللى جالها حساسيه شديده واستلزم ذلك دخولها مستشفى

*** لو عندى حساسيه للبيض ينفع اخد اللقاح ؟؟
فى خطوات تصنيع لقاح الانفلونزا بيعتمدوا على بروتينات معينه موجوده فى البيض لتصنيعه وبتكون موجوده فى اللقاح بنسبه ضئيله جدا.
علشان كده التوصيات العالميه بتقول ينفع لكن حسب شده الحساسيه اللى عندك وبتعرف بسهوله الموضوع ده 
يعنى لو بيقدر ياكل المنتجات اللى تحتوى على البيض زى الجاتوه والكيك وغيره ومبيحصلوش حاجه ياخد اللقاح عادى 
لو لما بياكل البيض بيحصله حساسيه بسيطه زى طفح بسيط او حكه وبتتحسن ينفع ياخده عادى لكن بيحتاج غالبا ملاحظه لمده نص ساعه داخل مستوصف او عياده مش شرط مستشفى
لكن لو اكل اى منتجات تحتوى على البيض وجاله حساسيه شديده او طفح جلدى شديد ساعتها ينفع ياخده لكن داخل مستشفى او يدور على البديل وفى بديل لعمر اكبر من ١٨ سنه لا يحتوى على بروتينات البيض مش عارف متوفره ولا لا حتى الان

**فى موانع لاستخدامه ؟؟
-زى مقلت الحساسيه الشديده لمنتجات تحتوى على البيض ودى بياخده تحت اشراف طبى او ياخد البديل لو متوافر
-الاشخاص اللى جالهم حساسيه شديده لاى سبب واستلزمت دخوله المستشفى قبل كده او حصله متلازمه جوليان بارى نفس الكلام ياخدوه تحت اشراف طبى مفيش مشكله
-الاشخاص اللى حصلهم حساسيه للقاح الاعوام السابقه مياخدهوش
-اى مريض بحساسيه لاحدى مكونات اللقاح ماعدا البيض مياخدوش ونعرف مكوناته من النشره الداخليه 
-لو الشخص عنده ارتفاع درجه الحراره ينتظر لحد لما حالته تتحسن
-مرضي السرطان اللى بياخدوا علاجات جديده تحتوى على
atezolizumab (TECENTRIQ)
ipilimumab (YERVOY)
nivolumab (OPDIVO)
pembrolizumab (KEYTRUDA) 
نرجع الطبيب الخاص بينا للتاكد من ان علاجنا لا يحتوى على اى من المواد دى لانها بتحفز المناعه وممكن تسبب حساسيه شديده من اللقاح

**الجرعه ايه ؟؟
اللقاح المتوفر فى فاكسيرا انفلوفاك تترا بيتاخد من سن ٣ سنوات الجرعه كامله
لكن فى بعض الانواع مش عارف متوفره ولا لا بتتاخد من ٦ شهور وبيكون مكتوب فى النشره الداخليه الجرعه تحديدا نظرا لاختلاف الانواع
لكن عامه لو لقاح متوافر من اول ٦ شهور لحد ٣٦ شهر بيتاخد نص الجرعه مالم يذكر عكس ذلك فى النشره الداخليه
الاطفال حتى سن ٨ سنوات بياخدوا جرعتين بينهم شهر فرق 

**الفئات اللى ضرورى تاخده ؟؟
الاطفال 
الحوامل
اصحاب الامراض المزمنه 
مفيش خطوره على الحامل او اى مرض مزمن انه ياخد اللقاح

افضل توقيت للقاح ؟؟ 
شهر اكتوبر لان اللقاح بياخد اسبوعين علشان جسمك يكون مناعه دلوقت وقت جيد لان فى نوفمبر بتبدء موجه الانفلونزا الموسميه

** نصيحه اخيره اللقاح هام لكن الأهم هو الكمامه والتباعد المجتمعى كل التقارير بتقول ان الكمامات والتباعد المجتمعى فعال جدا ضد الانفلونزا الموسميه والكوفيد فالوقايه والبعد عن الخطر اهم مليون مره من اى علاج

اتمنى اكون جاوبت على كل الاسئله وبعتذر على التاخير وهستاذنكم نعمل شير علشان الاجابات دى توصل لكل اللى بعت يسألنى

دمتم بأمان دكتور محمد علام